Við erum svo heppnar að Lynda Margrétardóttir sálfræðingur verður hjá okkur á mánudögum í vetur. 
​
Lynda Margrétardóttir er löggildur sálfræðingur og sinnir greiningu og meðferð við kvíða og þunglyndi á meðgöngu og eftir fæðingu. Hún starfar einnig sem stuðningsfulltrúi á bráðageðdeild Landspítlans. Hún útskrifaðist með BA-próf frá Háskóla Íslands árið 2008 og cand.psych gráðu frá Árósarháskóla árið 2015. Hún var í starfsþjálfun á Reykjalundi, þar sem hún fékk þjálfun í að nota hugræna atferlismeðferð (HAM) við þunglyndi og kvíða. Einnig var hún með í að kenna HAM námskeið fyrir verkjasjúklinga og hélt fyrirlestra um kvíða og bjargráð. Lokaritgerðin hennar fjallaði um áfallastreituröskun eftir fæðingu (Posttraumatic stress disorder after childbirth: The fourth postpartum disorder). Að eignast barn getur bæði verið ein mesta hamingjustund í lífi fólks og eitt erfiðasta verkefni sem það tekst á við. Sumum gengur mjög vel að aðlagast breyttri tilveru meðan aðrir þurfa meiri stuðning við að fóta sig í nýju hlutverki.

Hægt er að senda fyrirspurnir á netfangið lynda.margretardottir@gmail.com eða hafa beint samband í síma 869 2706.

Við vorum á My baby-sýningunni í Hörpu um helgina. Ákváðum að vera á staðnum og segja frá námskeiðunum okkar sem við höldum í Lygnu, starfseminni hjá fyrirtækjunum okkar, Björkinni, Fyrstu árunum og Hönd í hönd og nýta tækifærið og kynnast fólki og hvað getum við annað sagt en takk fyrir frábær viðbrögð.
Við skemmtum okkur stórvel, töluðum við marga, sumir voru að heyra frá okkur í fyrsta sinn en mjög margir góðir vinir lögðu leið sína til okkar og spjölluðu, takk fyrir það- okkur þykir svo vænt um það.

Við vorum með lukkuleik og þátttakan var framúr björtustu vonum, eiginlega svo mikið framúr okkur að við urðum uppiskroppa með miða. Það kom ekki að sök og fólk skráði sig bara á lista. Við erum búin að draga út vinningshafa, Sveindís Ýr setti sig í samband við okkur. Við ætlum svo að draga út annan vinningshafa fljótlega því það tóku svo margir þátt og við erum svo upp með okkur.

Regína Ósk var svo yndisleg að koma við og gefa okkur diskinn sinn, frábær diskur sem gott er að hafa í Lygnu. Takk fyrir þína gjöf.